ԱԷՀԱ-ն մասնակցեց ՀԷՑ-ի կողմից հրավիրված աշխատանքային քննարկմանը, որտեղ բարձրացվեցին արևային էներգետիկայի ոլորտի մի շարք կարևոր հարցեր։ Քննարկման ընթացքում առանձնահատուկ ընդգծվեց պետական կառույցների և մասնավոր հատվածի միջև մշտական աշխատանքային ձևաչափի ձևավորման անհրաժեշտությունը։ Լիահույս ենք, որ ԱԷՀԱ-ն կարող է դառնալ այն ինստիտուցիոնալ հարթակը, որտեղ ոլորտի մասնագետներն ու որոշում կայացնողները կհամախմբվեն՝ ձևավորելու ավելի կանխատեսելի և զարգացող արևային շուկա Հայաստանում։
