ԱԷՀԱ անդամներն ու ոլորտային կառույցների ղեկավարները քննարկել են շուկայի գործնական խնդիրներն ու համագործակցության ձևաչափերը։
Հանդիպման հյուրերն էին «Բարձրավոլտ էլեկտրացանցեր» ՓԲԸ գլխավոր տնօրենի պարտականությունները կատարող Հայկ Հայրապետյանը և «Էլեկտրաէներգետիկական համակարգի օպերատոր» ՓԲԸ տնօրենի ժամանակավոր պաշտոնակատար Միքայել Պիրադյանը։
ԱԷՀԱ անդամ ընկերությունների և ոլորտային կառույցների ղեկավարների մասնակցությամբ քննարկվել են շուկայի առջև ծառացած գործնական խնդիրները, դրանց հնարավոր լուծումները և մասնավոր հատվածի ու համակարգային կառույցների համագործակցության արդյունավետ ձևաչափերը։
«Մի սեղանի շուրջ» հանդիպումների նպատակը խնդիրները հստակ ձևակերպելն է, պատասխանատու կառույցների հետ քննարկելը և իրագործելի լուծումների ուղղությամբ շարունակական աշխատանք ապահովելը։